Gehri raato mein ek khwaab jaisi thi tum,
mushkil raaho mein ek baag jaisi thi tum!
Thandi hawaaon mein ek madhosh khushboo jaisi thi tum,
tanha dil ke paas ek dost jaisi thi tum!
Dhoop mein chhaaon jaisi muskurahat thi teri,
mann ko jo bhaye, us flavor ki chocolate jaisi thi tum!
Mere dil ko betaabiyon ki aadat naa thi,
aise dil ko dhadkaane ki wajah si thi tum!
Kehne ko paas na thi tum mere, dooriya mita de aisi aawaz si thi tum.
Jise paane ke liye dil tadap jaaye, aisi haseen ek pari jaisi thi tum!
Mujhse door hoke bhi mujh mein samayi si thi tum,
anjaan chehro ke beech, ek sundar pehchaan si thi tum!!